Kring Føroyar 2024: Fremsti maður punkteraði

Kring Føroyar 2024: Fremsti maður punkteraði
Pauli Poulsen, sum var fremstur í fimm daga langu súkklukappingini, Kring Føroyar, punkteraði á 3. teini, og við flata hjólinum ruku hansara kjansir fyri at vinna kappingina
Mynd: Tórshavnar Súkklu- og Triathlonfelag  
 
08.06.2024 - 12:00

Sandoyggin var karmur um 3. tein av súkklukappingini Leif Mohr Kring Føroyar, og lagt var upp til nýggja uppgerð millum teir báðar, Pauli Poulsen og Jákup Petur Eliassen, sum vóru fremstir samanlagt.

Tað gekk kortini ikki eftir ætlan hjá Paula Poulsen, sum var góðan hálvan annan minutt framman yri Jákup Petur Eliassen undan 3.teini, tí hann punkteraði á veg niðan úr Skálavík og mátti gevast. Við flata hjólinum ruku eisini møguleikarnir hjá Paula Poulsen at vinna kappingina.

Nú er Jákup Petur Eliassen í staðin fremstur við umleið tíggju minuttum, og er hann hepnari enn Pauli Poulsen og sleppur undan óhappum, vinnur hann ivaleyst sína triðju Kring Føroyar á rað. Bergtór Thorsteinsson liggur nú á 2. plássi.

 

Í dag bleiv kappast á Sandoynni. Hetta var triði dagur, og tað merktist á súkklarunum, at teir nú eru farnir at møðast. 

Sandoyggin er ein fantastisk súkkluoyggj, eftirsum brekkurnar eru nógvar, men ikki so brattar. Jú, at súkkla niðan úr Dali kennist tungt, serliga tá hetta var seinasta niðankoyringin, áðrenn koyrast skuldi um málstrikuna, sum í ár var í Húsavík. Við Sólaris. 

Teinurin var góðar 55 km langur, við umleið 1000 hæddarmetrum. Bæði startur og mál var í Húsavík. Frá Húsavík gekk leiðin til Sands, runt Sandsvatn, og so gekk leiðin til Skálavík. Tað bleiv koyrt runt í vøkru bygdini, áðrenn leiðin gekk aftur til Sandsbygd, og enn ein túr runt Sandsvatn. Leiðin gekk nú til Húsavík, framvið Sólaris, til Dals, og so aftur til Húsavíkar.

 

Fleiri kvinnur við

Súsanna Skylv hevur verið suveren hjá kvinnunum, men á Sandoynni fekk hon meira kapping, tí fleiri stillaðu upp til start, millum annað Maria Svabo Hansen, sum umboðaði Føroyar á Oyggjaleikunum á Gibraltar í 2019, og Sigrid Bjartalíð, sum vann kappingina úr Runavík til Havnar á Føroyaleikum fyri nøkrum árum síðan. 

Tær gjørdu kortini einki við Súsannu Skylv, sum vann sín triðja tein á rað.

Er kopiera
Nýggjastu sendingar í ÚV
Hósdag 18. juli
Morgunlestur hósdagur 18. juli 2024
177836
Mikudag 17. juli
Morgunlestur mikudagur 17. juli 2024
177835
Týsdag 16. juli
Morgunlestur týsdagur 16. juli 2024
177834
Mánadag 15. juli
Biltúrurin 5: Koyrt verður í Havn
176612
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015