Dagstovnar lata upp í morgin

Tá semingsroyndin slitnaði fríggjakvøldið, boðaðu fakfeløgini frá, at tey geva undantøk til reingerðarfólk og burturbeining av ruski á dagstovnunum. Undantakið er galdandi frá mánamorgni klokkan seks. Undantakið til reingerðarfólk og burturbeining av ruski á dagstovnunum er galdandi fyri alt landið.

Størsta dagstovnaøkið er í Tórshavnar kommunu, sum hevur umleið 40 stovnar. 

- Allir dagstovnarnir í Tórshavnar kommunu lata upp sum vanligt, í morgin ári, sigur Hermann Mortensen, trivnaðarstjóri í Tórshavnar kommunu.

Fólkaskúlarnir í Tórshavnar kommunu eru framvegis stongdir. Og har er higartil einki undantak givið frá verkfallinum. Tað merkir so eisini, at frítíðarskúlarnir framvegis eru stongdir, sigur Hermann Mortensen.

Hoyr samrøðu við Hermann Mortensen, trivnaðarstjóra í Tórshavnar kommunu