Biðin um nýggja ársfrásøgn

Biðin um nýggja ársfrásøgn
Eingi mál um ólóglig partaeigaralán vóru stovnað eftir eftirlitið hjá Skrásetingini hesa ferð 
Skrásetingin ger roknskapareftirlit hvørt ár.
 
17.06.2024 - 06:32

Ikki øll partafeløg, smápartafeløg og íverksetarafeløg halda lógir og reglur, sum eru um tey.

Tað vísir roknskapareftirlitið hjá Skráseting Føroya.

Sjey feløg, sum ikki hava grannskoðara, eru biðin um nýggja ársfrásøgn fyri 2022. 

Harumframt hava átta feløg fingið boð um, at tey hava ikki sent fráboðan um broytingar í felagnum um grannskoðara og eigarar.

Tvey feløg, sum hava grannskoðaða ársfrásøgn, hava fingið vegleiðing frá Skrásetingini.

Umframt stakroyndirnar hevur Skrásetingin biðið átta feløg um at lata inn nýggjar ársfrásagnir fyri 2022.

Hetta eru sjey íverksetarafeløg og eitt smápartafelag.

Ársfrásagnirnar, sum komu frá teimum, lúka ikki treytirnar í ársroknskaparlógini, sigur Skásetingin. 

Ein teirra leyk ikki treytirnar at velja grannskoðara frá. 

Ólóglig lán

Í 2022 stovnaði Skrásetingin fýra mál um ólóglig partaeigaralán.

Eingi slík mál vóru stovnað eftir eftirlitið hesa ferð. 

Skrásetingin ætlar afturat vanligu eftirlitunum í ár at gera eftirlit um ólóglig partaeigaralán.

Tann 31. desember 2022 vóru 4.084 feløg skrásett í partafelagsskránni hjá Skráseting Føroya. 

42 prosent teirra høvdu grannskoðara skrásettan.

Hini 58 prosentini vóru skrásett uttan grannskoðara.

Er kopiera
Nýggjastu sendingar í ÚV
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015