Brellbiti: Biltúrurin aftur í útvarpinum

Í senditíðini har Tórður plagar at túrast um veturin, verður eins og í fjør eitt øðrvísi slag av túri í summar.

Hesin túrurin verður ikki gingin, men koyrdur saman við fólkum, ið hava hug at tosa um sítt lív, og økið, har tey mentust til kvinnu ella mann. Heitið er eisini 'Biltúrurin'.

Í ellivu sendingum gevur Jákup Magnussen okkum møguleikan at hoyra áhugaverd fólk úr fleiri oyggjum siga frá. Og eins og í fjør er talan um kynsliga javnstøðu. 

Innihaldsliga verða fleiri av 'Biltúrurum' rættiliga søguligir, meðan aðrir bjóða prát um nútíðina, mentanina, listina, ella tankar um lívið. Um summarið er ikki hált í støðum, men ístaðin verður flent í støðum. Sum til dømis tá farið var biltúr við Maud og Bárði Næs. Koyrt var úr Havn og norðureftir, og brádliga var farið inn á gólvið hjá Maritu, mammu Maud. Lagið var gott, søgurnar stuttligar og løtan so hugnalig.

New div after blockquote

 

 

 

 

View this post on Instagram

 

 

 

 

 

 

 

 

 

 

 

A post shared by Kringvarp Føroya (@kringvarp)

Í dag, tað er mánadagin 17. juni, er fyrsta sendingin á skránni, og tá er Holgar Jacobsen í Sørvági gestur í bilinum. Hann fer at greiða frá sínum umhvørvi og lívsins stóru upp- og niðurtúrum.

Tú finnur eisini allar biltúrarnar frá fyrsta umfarinum av biltúrum, sum vóru koyrdir í fjør summar, á KVF Ljóð.