Fyrsta føroyska lógin um útlendingar

Fyrsta føroyska lógin um útlendingar
Løgmálaráðið hevur gjørt uppskot um føroyska integratiónslóg
Integrasiónsálit var gjørt í 2011. Nú kemur lógin.
 
20.06.2024 - 06:55

Uppskot er gjørt um føroyska integratiónslóg.

Løgmálaráðið, sum hevur gjørt uppskotið, hevur sent tað til hoyringar.

Hoyringarfreistin er til 3. juli.

Lógaruppskotið er um útlendingar, sum hava uppihaldsloyvi í Føroyum.

Tað skal koma í gildi 1. januar næsta ár.

Uppskotið sigur millum annað, at landið skal býtast í integratiónsøki, og integratiónssamskipari skal setast í øllum økjum.

Tey, sum lógin umfatar, fáa ókeypis undirvísing í føroyskum og ókeypis skeið í føroyskari mentan og samfelagsviðurskiftum.

Krav

Kravt verður, at ávísir tilflytarir skulu til integratiónssamrøðu, har millum annað verður kunnað um, at integratiónssamrøða, málkunnleiki og innlit í føroyska samfelagið og mentanina eru sum byrjanarstøði treytir fyri at fáa varandi uppihaldsloyvi í Føroyum.

Ætlanin er yvirskipað at betra um integratión og trivnað hjá tilflytarum, sum søkja um uppihaldsloyvi í Føroyum.

Seinastu árini er talið av tilflytarum økt sera nógv, sigur Løgmálaráðið.

Teir vóru 1,5 prosent í 2010. Í fjør vóru teir 5,5 prosent av fólkatalinum. 

Og í Føroyum er eingin integratiónslóg. 
 

Er kopiera
Nýggjastu sendingar í ÚV
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015