- Tíðindi, mentan og ítróttur
Alment: Oyggjaleikir í Føroyum í 2027
Alment: Oyggjaleikir í Føroyum í 2027
Vit hava vitað tað í eina tíð, men í dag bleiv tað alment, at oyggjaleikirnir í 2027 verða í Føroyum
![](https://kvf.fo/sites/default/files/styles/grein-ovasta-mynd/public/elin_h._joensen_og_andrew_inkster.jpg?itok=FtbQS-5T)
Elin H. Joensen, forseti í ÍSF, og Andrew Inkster, formaður í IIGA, undirskriva sáttmálan, sum gevur Føroyum oyggjaleikirnar í 2027
Mynd: Bob Kerr
13.07.2024 - 16:14
Á aðalfundinum hjá altjóða oyggjaleikanevndini IIGA á Orknoyggjunum í dag varð einmælt samtykt, at Føroyar verða vertir í 2027.
Stutt fyri jól í fjør vendi altjóða oyggjaleikanevndin IIGA sær til Ítróttasamband Føroya við fyrispurningi um, Føroyar kundu hýsa leikunum í 2027 heldur enn í 2031, sum annars ætlað. Fyrispurningurin varð alt fyri eitt játtaður, men endaliga staðfestingin hevur manglað. Hon kom so í dag, tá ið umboð fyri limaoyggjarnar á aðalfundinum atkvøddu fyri Føroyum sum vertur í 2027.
Væntandi koma 2.500-3.000 ítróttafólk úr 24 ymsum oyggjum til Føroya at kappast í 14 ymsum ítróttagreinum í døgunum 3.-9. juli 2027.
Hoyrið innslag við Elini Heðinsdóttir Joensen her:
Elin_HJ_Orkney
Nýggjastu sendingar í ÚV
Nýggjastu sendingar í SV