- Tíðindi, mentan og ítróttur
Sára Maria og tær ongan kjans
Sára Maria og tær ongan kjans
Danski áttarin við Sáru Mariu Johansen umborð megnaði ikki at fylgja við kappingarneytunum og endaði aftast, tá innleiðandi umfarið varð rógvið fyrrapartin
![](https://kvf.fo/sites/default/files/styles/grein-ovasta-mynd/public/20240729-120740-l-8640x5760ma.jpg?itok=QLr44ymI)
Sára Maria Johansen og hinar á danska áttaranum høvdu ongan kjans í innleiðandi umfarinum ólavsøkumorgun
Mynd: Claus Rasmussen/Ritzau Scanpix
29.07.2024 - 11:19
Sára Maria Johansen og tær á danska OL-áttaranum megnaðu ikki at fylgja við kappingarneytunum í innleiðandi umfarinum fyrrapartin.
Tær endaðu langt aftastar - 18 sekund vóru upp til Kanada á triðja plássi, meðan Bretland vann 23 sekund frammanfyri danska bátin, sum hevði tíðina 06:39.30.
Bretland róði teir 2000 metrarnar upp á 06:16.20, Avstralia endaði á 2. plássi (06:18.61) og Kanada kom á mál sum nummar trý (06:21.31).
Úrslitið var ikki óvæntað sambært donsku viðmerkjarunum. Báturin varð ikki endaliga mannaður fyrrenn í mars, og stílað var fyrst og fremst ímóti OL í 2028.
Danski áttarin fær ein kjans afturat at rógva seg í finaluna í einum sonevndum uppsamligarriðli, sum verður hósdagin.
Nýggjastu sendingar í ÚV
Nýggjastu sendingar í SV