Nýtt frímerki heiðrar samarittar

Samarittarnir arbeiða sjálvboðið á festivalum, stevnum, ítróttartiltøkum og ymiskum øðrum tiltøkum kring landið. Tey eru útbúgvin innan fysiska og sálarliga fyrstuhjálp.

Í gjár var 25 ára føðingardagurin hjá samarittunum hátíðarhildin í húsinum hjá Reyða krossi í Stiðjagøtu í Havn. Á føðingardegnum gav Posta eisini út nýtt frímerki, sum avmyndar samarittarnar hjá Reyða Krossi.