Rætturin viðger mál um grein 266b

Í morgin fer Føroya rættur at viðgera eitt mál um grein 266b í revsilógini.

Ein maður er ákærdur fyri at bróta hana, tá hann á Facebook kallaði John Johannessen, journalist, fyri kynsvilling.

Politiið tók upp málið. Maðurin er nú er ákærdur fyri at bróta grein 266b í revsilógini.

Ákæruvaldið fer at krevja, at maðurin fær sekt.

Maðurin noktar seg sekan.

Játtaði fyrst, men noktaði síðani

Eitt annað mál um grein 266b er í skipanini. Tað skuldi avgreiðast í juni.

Maðurin, sum var ákærdur, játtaði seg fyrst sekan. Men tá rættarfundurin byrjaði, noktaði hann seg sekan.

Føroya rættur hevur ikki ásett nýggj dagseting.

Maðurin er ákærdur, tí hann skrivaði niðrandi um samkynd á Vágaportalinum.

Nógv rok um lógargreinina

Nógv rok var í Føroyum, tá løgtingið í 2006 koyrdi kynsligan samleika uppí 266b.

Grein 266 b í revsilógini sigur, at tann, sum alment ella við størri útbreiðslu í hyggju, setir fram útsøgn ella boðskap, ið hóttir, spottar ella eyðmýkir persónsbólk orsakað av rasu, húðarliti, tjóðskaparligum ella etniskum uppruna, trúgv, kynsligum samleika ella breki, verður revsaður við sekt ella fongsli í upp til tvey ár.