Strandingar fingið nýggjan Kamb

Í gjáramorgunin kom nýggi Kambur til Føroya. 

Tað er felagið M&S Strendur á Strondum, sum hevur keypt frystilínuskipið úr Noregi. Mortan Mortensen er skipari og ein av eigarunum, skrivar føroyska Sjómansmissiónin.

Nýggi Kambur er fyrrverandi Veststeinen. 

Skipið er bygt í 1998, men nærum øll útgerðin umborð er nógv nýggjari. Kambur er 47 metrar langur og 10 metrar breiður. Skipið tekur 360 tons. 

Gamli Kambur sakk 6. februar í ár. Skipið var tá statt einar 17 fjórðingar í ein útsynning úr Akrabergi.

16 mans vóru við. 14 teirra vóru bjargaðir, tveir komu ikki afturíaftur.

Danska skaðanevndin kannar framvegis, hví Kambur sakk.