![](https://kvf.fo/sites/default/files/styles/myndasavn-width/public/eftirnovn.png?itok=_ToAMxwi)
- Tíðindi, mentan og ítróttur
Joensen framvegis vanligasta eftirnavnið
![](https://kvf.fo/sites/default/files/styles/grein-ovasta-mynd/public/eftirnovn_1.jpg?itok=Wvo0i2t_)
Joensen er framvegis vanligasta eftirnavnið í Føroyum.
Men nú eru færri, sum hava eftirnavn, sum endar við sen.
Knappliga helvtin av fólkinum, góð 45 prosent, hevur eitt eftirnavn, sum endar við sen.
Í 1985 høvdu yvir 60 prosent eitt sen eftirnavn.
Næst á listanum við vanligastu eftirnøvnum eru Hansen, Jacobsen og Olsen.
Hesi nøvnini hava verið vanligastu eftirnøvn líka síðani 1985, sum er byrjanarárið hjá navnauppgerðini.
Men hóast nøvnini eru vanligast, eru færri og færri, sum hava hesi eftirnøvn, skrivar Hagstovan.
Eftirnøvnini í sunnaru økjunum víkja frá.
Í Sandoyar økinum er vanligt at eita Hentze, Olsen, Petersen og Winther.
Í Suðuroyar økinum eru eftirnøvnini Joensen, Thomsen, Poulsen og Bech millum tey mest vanligu.