- Tíðindi, mentan og ítróttur
Kári Johansen stillar upp fyri Framsókn
![](https://kvf.fo/sites/default/files/styles/grein-ovasta-mynd/public/byradid_2021-31.jpg?itok=6kEh9cb6)
Á valinum fyri skjótt fýra árum síðani var hann fjórðvaldur á javnaðarlistanum, og hetta skeiðið hevur hann millum annað verið stýrisformaður í SEV og formaður í havnarnevndini í Tórshavnar býráð.
- Eftir at hava hugsa meg um í eina tíð, skal eg hervið boða frá, at eg havi tikið avgerð um at stilla upp á listanum hjá Framsókn til komandi kommunuval, sigur Kári Johansen í fráboðan síni.
Hann sigur seg rætt og slætt føla, at “hosurnar í Javnarflokkinum eru ov trongar hjá sær at vera í,” sum hann tekur til.
- Harafturímóti passa míni politisku áhugamál væl í Framsókn, sigur Kári, sum kennir seg vælkomnan í Framsókn, har hann saman við øðrum vælevnum nú fer at gera valskránna lidna.
Meira um hetta í tíðindunum klokkan 14, tá ið Kári Johansen verður við okkum í útvarpsstovuni.