Romeo og Julia á Glasi í heyst

Miðnámssangleikir hava verið fastur siður síðani miðskeiðis í nítiárunum. Hvør minnist ikki Sjeyk og Jósef og ótrúliga litfagra dreymakotið, ið spældu fyri fullum húsum. 

Í 2020 varð sangleikurin Cabaret sýndur í Glasi, men við koronufarsóttini kom stígur í miðnámsleikirnar. 

Men nú verður roynt aftur við sjónleikinum Romeo og Juliu. Og talan er um ein sjónleik og ikki ein sangleik. 

Leikurin er eitt stamstarv millum Glasir og yrkissjónleikabólkarnar TVAZZ og Det Ferösche Compagnie.

Cabaret, Glasir

Romeo og Julia verður, eins og Cabaret bleiv tað, sýndur í Glasi

Leita eftir Romeo og Juliu

Tað er William Shakespeare, ið hevur skrivað heimskenda leikin.

Høvuðspersónar í søguni eru ung fólk, og nú verður leitað eftir ungum fólkum til eitt nú at spæla Romeo og Juliu.

Venjingar byrja 17. september.

Búi Dam er leikstjóri og Gunnvá Zachariassen úr Tvazz er høvuðsframleiðari.

Fyrsta sýningin av Romeo og Juliu verður 16. november.