Trý endaðu í brummuni

Nógv fólk var í býnum í Havn í nátt og í gjárkvøldið, tá ið millum annað 1500 starvfólk hjá Tórshavnar kommunu vóru í ítróttarhøllini á Hálsi og aðrar starvsfólkaveitslur eisini vóru.

- Tað hevur ikki verið so øgiliga nógv brúk fyri okkum kortini, sigur vakthavandi, ið tó upplýsir, at trý fólk hava gist í brummuni í nátt.

Talan er um eitt mannfólk og tvey konufólk, og tveir av náttargestunum har vóru ikki tørnaðir út enn, tá ið tosað varð við politiið um gott níggjutíðina í morgun.

Ein varð tikin longu klokkan 20 í gjárkvøldið og hini bæði ávikavist klokkan 2.30 og 3.30 í nátt.

Tvey teirra vóru eisini ólátað mótvegis politinum og øðrum, og eitt teirra fær bót fyri brot á skilhaldsreglurnar.