HB aftur á beint

Eftir trý tap á rað í landskappingini kom HB aftur á beint.

Jákup Thomsen skeyt tvey mál, áðrenn Hanus Sørensen skoraði tað triðja í 3-0 sigrinum á Skála í Gundadali í dag. 

Hetta vóru fyrstu málini í Betri-deildini hjá skaðaplágaða framherjanum í meir enn eitt ár. HB er framvegis á 3. plássi í deildini, trý stig aftanfyri KÍ, sum vann á B68 í gjár.

NSÍ tryggan sigur á botnliðnum

NSÍ vann eisini trygt við Løkin í Runavík, og eru aftur fimm stig frammanfyri B36 í kappingini um 4. plássið, sum kann geva evropeiskan fótbólt næsta ár.

Steffan Løkin legði runavíkingar framum í fyrra hálvleiki, og eftir steðgin øktu Knudsen-beiggjarnir, Petur og Aron, til ávíkavist 2-0 og 3-0. Aron Kensson hjá ÍF varð sendur av vølli longu tá góður hálvur tími var spældur.

Leygardagin vunnu allir favorittarnir. Víkingur vann tepurt 1-0 á EB/Streymi, KÍ vann 2-0 á Svangaskarði og B36 vann 3-0 á útivølli ímóti 07 Vestur.