Skúlaskipið Dragin siglt á Flesjarnar

Dragin var túr við skúlabørnum, tá báturin, ið verður brúktur sum skúlaskip, sigldi á Flesjarnar og stóð fastur. 

MRCC fekk fráboðanina um 11-tíðina. 

Øll skúlabørnini, sum vóru við Draganum, vórðu flutt yvir í Rescue Eyð. Bjargingarbátarnir Tor og Arun vóru eisini hjá Draganum. 

"Tað gekk púra ódramatiskt fyri seg," sigur Andreas Gaardlykke, vakleiðari á MRCC. 

Heini Eysturoy, umborð á Rescue Eyð, sigur , at Dragin er rikin á Flesjarnar heldur enn at hann hevur siglt.

"Tey hava ligið og fiskað, og so hevur báturin rikin seg fastan. Báturin hevði tikið har afturin sum skrúvan og róðrið eru, og tey vildu ikki taka nøkur óráð fyri, og bíðaðu eftir at fáa hjálp."

Dragin er nú leysur aftur og sleipaður inn á Toftir. 

Dragin

Skíggjamynd av heimasíðuni Marine traffic kl. 12:09