Størsta fosturtøkutal í 14 ár

Ikki síðani 2009 eru skrásettar so nógvar fosturtøkur í Føroyum sum í fjør.

Tær vóru 42 í fjør.

Í 2009 vóru tær 51.

Í 2022 vóru skrásettar 27 fosturtøkur.

Í 2018 til dømis var talið heilt niðri í 19.

Í fjør vóru 13 kvinnur í aldursbólkinum 30 til 34 ár, stendur í heilsulýsing landslæknans.

Fimm vóru í aldursbólkinum 15 til 19 ár.

Í Grønlandi vóru 1034 fosturtøkur í fjør, 21 prosent fleiri enn í 2022.

1034 er størsta tal seinastu tíggju árini.