- Havnin ikki einasti møguleiki

Í síðstu viku segði stjórin á Strandferðsluni, Niels Juel Arge, at verður tjóðleikhúsið bygt á eystaru bryggju, so fer Smyril ikki at klára at halda ferðaætlanina. Somuleiðis vísti Hanus Mikkelsen, stjóri í Tórshavnar havn, í síðstu viku á, at hóast Smyril og Norrøna í framtíðini fara at leggja at á Skansabryggjuni, so verður tað framvegis ruðuleiki á havnarøkinum, um tjóðleikhúsið verður staðsett á eystaru bryggju.

Hetta fekk borgarstjóran í Runavíkar kommunu, Tórbjørn Jacobsen, í vikuskiftinum til enn einaferð at bjóða kommununa fram at hýsa einum tjóðleikhúsi.

Men í lesarabrævi mánadagin, skrivaði Heðin Mortensen, borgarstjóri í Tórshavnar kommuna, at kommunan skal nokk halda sín part av avtaluni og tryggja tjóðleikhúsinum nøktandi staðseting - um tað so er á Bursatanga ella á øðrum stað í høvuðsstaðnum.  

Men afturi í afturi í apríl segði borgarstjórin í Havn, Heðin Mortensen, at Tjóðleikhúsið verður ikki flutt, og at tað verður á eystaru bryggju í Havn, eftir at býráðið fyri tveimum árum síðan hevur einmælst samtykt og avgreitt staðsetingina. 

Hóast kjakið um staðsetingina nú aftur er uppi at venda, so fyriheldur landsstýriskvinnan í mentamálum seg bara til tað, sum býráðið í Havn hevur samtykt.

Sirið Stenberg hevur hoyrt kjakið um staðsetingina og væntandi ruðuleikan á eystaru bryggju, verður tjóðleikhúsið bygt har, men hon roknar við, at hesin trupulleiki fer at verða loystur í framtíðini, tá millum annað slepst undan, at nakar Smyril skal leggja at í Havnini.
 

Hoyr innslagið her: