- Tíðindi, mentan og ítróttur
Donald Trump hevur vunnið stórsigur
Donald Trump hevur vunnið stórsigur
Republikanska valevnið hevur í løtuni 277 valmenn, og demokratiska valevnið Kamala Harris hevur 224
Ein sigursælur Donald Trump og kona hanara Melania. Í løtuni hevur Trump 277 valmenn.
Mynd: Reuters/Ritzau Scanpix
06.11.2024 - 13:09
Donald Trump hevur vunnið stórsigur á amerikanska forsetavalinum.
Donald Trump hevur í løtuni tryggjað sær 277 valmenn, meðan Kamala Harris hevur tryggjað sær 224.
Sostatt er tað greitt, at Trump verður næsti forseti í USA, tí tann, sum fyrst fær 270 valmenn, vinnur valið.
Heimsins stjórnarleiðarar lógu ikki á boðunum, tá tað frættist, at Donald Trump flytur inn aftur í Hvítu húsini.
(Mynd: AP)
Franski forsetin, Emmanuel Macron, bretski forsætisráðharin, Keir Starmer, ukrainski forsetin, Volodymyr Zelenskyj, og danski forsætisráðharrin, Mette Frederiksen, eru millum teirra, sum havaynskt Donald Trump til lukku við sigrinum í amerikanska forsetavalinum.
Erik Løksagarð Absalonsen. (Mynd: Bjarni Árting Rubeksen)
ES-nevndarforkvinnan, Ursula von der Leyen, og Nato aðalskrivarin, Mark Rutte, hava gjørt tað sama.
Republikanski flokkurin fær eisini meirilutan í senatinum, meðan spenningur framvegis er um, hvør fær meirilutan í umboðsmannatinginum.
Erik Løksagarð Absalonsen, stjórnmálafrøðingur, gjørdi viðmerkingar til valið í útvarpstíðindunum:
06112024_Loksagard
Er kopiera
Nýggjastu sendingar í ÚV
Nýggjastu sendingar í SV
