Jógvan í Skorini aftur borgarstjóri á Eiði

Jógvan í Skorini verður nýggjur borgarstjóri í Eiðis kommunu.

Tað er greitt, nú meirilutin á lista A hevur skrivað undir semju.

Í semjuskjalinum stendur, at Jógvan í Skorini, sum fekk flestar persónligar atkvøður, verður borgarstjóri. 

Listi A fekk fýra kommunustýrislimir, og Jógvan í Skorini fekk 96 atkvøður.

Listi B fekk tríggjar sessir.

Jógvan í Skorini sigur, at meirilutin hevur fund í kvøld klokkan 19, og tá er ætlanin at skipa seg endaliga.

Borgarstjórin í Eiðis kommunu seinastu árini, Annsy Høghamar, sum stillaði upp á lista B, fall á valinum gjár. Hon gekk 23 atkvøður. 

Jógvan í Skorini hevur verið borgarstjóri á Eiði fyrr, men á kommunuvalinum fyri fýra árum síðani stillaði hann ikki uppaftur.