ICC gevur boð um at handtaka Netanyahu

ICC gevur boð um at handtaka Netanyahu
Altjóða revsidómstólurin sigur, at ísraelski forsætisráðharrin og fyrrverandi verjumálaráðharrin í Ísrael hava m.a. framt krígsbrotsverk í Gasageiranum og Eysturjerusalem
Benjamin Netanyahu, forsætisráðharri, og Yoav Gallant, fyrrverandi verjumálaráðharri.
Mynd: Reuters/Ritzau Scanpix  
 
21.11.2024 - 15:01

Altjóða revsidómstólurin, ICC, hevur givið boð um at handtaka ísraelska forsætisráðharran, Benjamin Netanyahu, og fyrrverandi ísraelska verjuráðharran, Yoav Gallant.

Handtøkuboðini eru fyri framd krígsbrotsverk í Gasageiranum, í Eysturjerusalem og á Vestara áarbakka frá 8. oktober í 2023 til mai í 2024. 

Tað skrivar ICC á síni heimasíðu. 

 

Eisini Hamas-leiðaran

Altjóða revsidómstólurin hevur eisini givið boð um at handtaka Hamas-leiðaran, Mohammed Al-Masri, betur kendur sum Mohammed Deif.

Ísrael segði seg hava dripið Hamas-leiðaran fyrr í ár, men hesum hevur Hamas víst aftur. ICC hevur roynt at fáa staðfest, um hann er á lívi ella ikki, men tað er ógreitt enn.

Handtøkuboðini bera í sær, at um eitt nú Netanyahu kemur til eitt land, sum er limur í ICC, hevur viðkomandi land skyldu at handtaka forsætisráðharran og útflýggja dómstólinum hann.

Ísrael er ikki limur í ICC og viðurkennir ikki dómstólin.

USA er heldur ikki limur í ICC, men tað eru 124 onnur lond, millum annað flestu lond í Evropa,  teirra millum Norðurlond.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214