Borgarstjórin: Linjuføringarnar klúgva bygdina

Fólk heima á Sandi eru ikki fegin um ætlanirnar hjá landsmyndugleikunum at leggja ein stóran landsveg fram við Sandsvatni í sambandi við ætlaða Suðuroyartunnilin. 

Heri Sverrason, borgarstjóri, sigur, at linjuføringarnar fara at klúgva bygdina.

Hann undrast eisini á, hví landsmyndugleikarnir ikki hava tosað við kommununa um linjuføringina. 

Heri Sverrason vísir á aðrar møguleikar, soleiðis at Skúvoy eisini kann verða knýtt upp í Suðuroyartunnilin.

Hoyr innslag í útvarpstíðindunum: 

Í næstum verður skipað fyri borgarafundi á Sandi, og eftir fundin verður eitt hoyringarskriv til lógaruppskotið latið inn, áðrenn freistin fer 6. desember, sigur Heri Sverrason.