Írland: Mið- og høgraflokkarnir vunnu valið

Írland: Mið- og høgraflokkarnir vunnu valið
Valluttøkan var umleið 60 prosent, og tað er tað minsta seinastu 100 árini
Fianna Fáil, flokkurin hjá Micheál Martin, hevur fingið flestar atkvøður á valinum í Írlandi
Mynd: Reuters/Ritzau Scanpix  
 
02.12.2024 - 14:50

Mið- og høgraflokkarnir Fianna Fáil og Fine Gael fingu stóra undirtøku á valinum fríggjadagin.

Flestu av teimum 174 sessunum í tjóðartinginum er býttir út eftir valið, og hesir báðir flokkarnir nærkast at hava fingið meiriluta. Men eru ikki allar súðir syftar.

Sum væntað, stendur næstan á jøvnum millum tríggjar teir størstu flokkarnar.

 

Valluttøkan var tann minsta í 100 ár. (Mynd: AFP/Reuters Scanpix)

 

Fianna Fail flestar atkvøður

Fianna Fáil, sum fyrrverandi verjumálráðharrin og fyrrverandi forsætisráðharrin, Micheál Martin, stendur á odda fyri, hevur fingið flestar atkvøður, 22 prosent. 

Fine Gael stendur til at fáa 21 prosent, og størsti andstøðuflokkurin Sinn Féin, 19 prosent. 

Í nátt vísti valbarometrið hjá írska kringvarpinum RTE, at Fianna Fáil hevði fingið 39 sessir, Sinn Féin 34 og Fine Gael 32.

 

149 sessir býttir

Sjey aðrir flokkar høvdu tryggjað sær pláss í írska Undirhúsinum, tá ið tilsamans 149 sessir vóru býttir út.

Fyri at fáa meiriluta, skal ein samgonga ella flokkur í minsta lagi hava 88 sessir.

Valluttøkan var 59,7 prosent, og tað er tað minsta seinastu 100 árini, skrivar BBC.

Er kopiera
Nýggjastu sendingar í ÚV
Mánadag 12. mai
NSÍ var leikliga betri, men KÍ vann
191761
Mánadag 12. mai
Góðan morgun Føroyar
191749
Sunnudag 11. mai
Bolero
191709
Sunnudag 11. mai
Guðstænasta í Haldórsvíkar kirkju
191708
Nýggjastu sendingar í SV
Mánadag 12. mai
Anna FD 564 - teknmálstulkað
191741
Sunnudag 11. mai
Møti úr Stranda missiónshúsi
191725
Sunnudag 11. mai
Andakt
191720
Leygardag 10. mai
Dagur og vika - teknmálstulkað
191687