Ovasavnið leitar eftir fígging

Á páskum lata dyrnar á Ovasavninum í Nólsoy upp fyri almeninginum. Tað mesta er gjørt, men fíggjarliga restar kortini nakað í.

Thomas Joensen, sum frá byrjan hevur verið ein eldsál í arbeiðinum at gera savnið til veruleika, sigur, at hildið verður fast um ætlanina at lata upp á páskum.

Nakað av peningi restar kortini í. Fyri at koma á mál hevur stuðulsnevndin gjørt eina heimasíðu har møguleiki er at lata eina upphædd eftir egnum ynski. Leinki er her.

Savnið er bygt fyri at lýsa søguna um Ova Joensen, ið gjørdi tað megnarbragd í 1986, at rógva einsamallur í Dianu Victoriu úr Nólsoy til Keypmannahavnar at kyssa havfrúnna á Langelinie.