Eingi greið tekin um váðar í bankageiranum

Føroya váðaráð heldur seg ikki síggja greið tekin um, at systemiskir váðar eru í umbúna í føroyska bankageiranum.

Men Váðaráðið eygleiðir framvegis viðurskifti, sum kunnu ávirka fíggjarliga støðufestið í Føroyum.

Systemiskir váðar eru veikleikar ella ójavnvág í fíggjargeiranum, sum í ringasta føri kunnu elva til kreppu. 

Ein váði er systemiskur, um hann kann væntast at raka allan ella týðandi part av fíggjargeiranum.

Framgongd í búskapinum

Váðaráðið sigur, at framvegis eru tekin um framgongd í føroyska búskapinum.

Millum annað privata nýtslan stuðlar henni, tí húsarhaldini hava fingið lønarhækkingar og skattalættar.

Lønarhækkingarnar hava tó ikki enn vunnið alla keypiorkuna inn aftur, sum er mist, síðani inflatiónin fór at vaksa, sigur Váðaráðið. 

Inflatiónin fór niður í 1,7 prosent í triðja ársfjórðingi.