Strika bíðilistan eftir grundstykkjum

Vága kommuna hevur gjørt av at taka burtur bíðilistan eftir grundstykkjum.

Í staðin er skipanin dagførd og gjørd meira smidlig, so borgarar nú kunnu søkja um grundstykki beinleiðis og fara undir at byggja.

Hetta er úrslitið av eini tilgongd, har Vága kommuna síðstu tíðina hevur havt eina gjøgnumgongd av grundstykkjunum í kommununi.

Í løtuni eru seks byggiklár grundstykkir tøk, og tað kann søkjast um hesi stykki beinleiðis á Vanganum, skrivar Vága kommuna á heimasíðu síni.

Einaferð um mánaðin verður yvirlitið inni á Vanganum dagført við teimum grundstykkjum, sum eru tøk.

Umbiðin grundstykki verða tikin av og nýggj koma aftrat á yvirlitinum, so hvørt útstykkingar verða gjørdar.