Ítróttafagnaðurin: Síðsti kjansur at innstilla til heiðurslønir

Á midnátt er evstamark at skjóta upp ítróttafólk til heiðurslønirnar, sum Ítróttasamband Føroya letur á Ítróttafagnaðinum 2024.

Fagnaðurin verður 1. februar, og tá skulu tilsamans sjey heiðurslønir latast teimum bestu í føroyskum ítrótti skjótt farna árið.

Les meir um innstillingar her:

Hvør verður ítróttafelagsskapurin, venjarin, eldsálin, sólstrálan, og hvør skal hava heiðursskjal Poul E. Petersen? Øll kunnu skjóta nøvn upp til hesar fimm heiðrarnar.

Harafturat skulu ítróttastjørnuskotið og ítróttanavnið finnast. Sersambond og starvsnevndin hjá ÍSF innstilla til hesar heiðurslønirnar. 

Í fjør vann A-landsliðið við monnum heiðurin sum ítróttanavnið, meðan rennarin, Jónas Gunnleivsson Isaksen, gjørdist stjørnuskotið.