Polarstjørnan framvegis slagsíðu

Enn er ógreitt nær Polarstjørnan, sum koppaði á Klaksvíkar sleipistøð í gjár, verður tikin upp aftur.

Kavarar vóru í gjárkvøldið niðri og hugdu eftir línuskipinum, og teir kundu staðfesta, at skipið hevur ikki fingið skaða.

Frimodt Rasmussen, stjóri á Klaksvíkar sleipistøð, sigur, at tað sær út sum at vognurin er avsporaður. 

Kannað verður framvegis, hvussu best er at reisa skipið aftur. Møguliga skal útgerð koma úr útlandinum til tað. Tí er eisini ógreitt, hvussu leingi tað verður til skipið verður tikið upp aftur.