Rundur kirkjudagur á Argjum

Í morgin, fjórða sunnudag í advent, eru 50 ár liðin, síðani Kirkju- og Missiónshúsið á Argjum varð vígt og tikið í brúk.

Bergur Debes Joensen, sóknarprestur og argjamaður

Mynd: Hilmar Jan Hansen

Hilmar Jan Hansen

21.12.2024 - 17:57

Argir er ung kirkjubygd og fekk bygdin undan jólum í 1974 sína fyrstu kirkju. Longu árið eftir, 24. august í 1975, varð Vesturkirkjan vígd og tikin í nýtslu.

Undan hesum hevði Havnar kirkja verið sóknarkirkja hjá argjafólki, síðan hvalbingurin Andrass Mortansson keypti Argir í 9. mai í 1828 og setti búgv har.

- Kirkjan hevur havt stóran týdning fyri Argir og fólkið, ið her býr, sigur Bergur Debes Joensen, ið sum sóknarprestur varðar av Kirkju- og Missiónshúsinum á Argjum, og sjálvur er argjamaður.

- Eg minnist, hvussu vit beiggjarnir saman við pápa okkara gingu til Havnar í kirkju, líka til vit fingu okkara egnu kirkju á Argjum, tá ið eg var átta ára gamal.

Her kanst tú hoyra Berg Debes Joensen greiða frá degnum:

2024-12-21-Bergur-Debes-Joensen