Sølumiðstøð letur skjótt upp í Runavík

SMS-samtakið hevur stórar ætlanir í Runavík, nú fýra handlar skulu vera í bygningunum, har Borg er í dag.

Hjá teimum lokalu í Runavík, so er talan um bygningin, har gamli Timburhandilin helt til í. 

Niels Mortensen, stjóri í SMS, greiðir frá, at umframt at Bónus handilin, sum í løtuni húsast í gamla Deild C, flytur inn í bygningin, so skal Sunset Boulevard eisini vera í bygninginum, umframt tveir aðrir handlar. 

SMS í Runavík, Sølumiðstøð í Runavík, Bónus í Runavík

Mitt í nýggja miðbýnum

Nýggja sølumiðstøðin í Runavík fer at liggja mitt í økinum, sum Runavíkar kommuna ætlar at leggja ein nýggjan miðbý. 

Nýggi innkomuvegurin við tunli, sum ætlanin er at gera í Runavík, verður eisini tætt við økið, har nýggi Bónus handilin og aðrir handlar hjá SMS vera. 

SMS í Runavík, Sølumiðstøð í Runavík, Bónus í Runavík

Borg byggir nýggjar bygningar á nýggja havnalagnum hjá Runavíkar kommunu og flyta inn har seinni í ár.

Enn veit Niels Morensen ikki, nær teir fýra handlarnar hjá SMS lata upp í Runavík.

Tað er her, at nýggja sølumiðstøðin skal liggja.