Gongur striltið at skráseta oljutangar

Gongur striltið at skráseta oljutangar
Fleiri kommunur hava trupult við at liva upp til kunngerðina um at skráseta allar oljutangar í kommununi
Nógvar upplýsingar um oljutangar eru ikki til at fáa fatur á. Tí er trupult hjá kommununum at skráseta allar oljutangar
Mynd: Savnsmynd  
 
11.01.2025 - 12:01

"Fyri kommununa er tað ein ómøgulig uppgáva, tí vit kunnu bara skráseta út frá teimum upplýsingum, sum borgarin gevur okkum."

Tað sigur Karl Johansen, borgarstjóri í Klaksvíkar kommunu, sum eins og aðrar kommunur hevur trupult við at liva upp til kunngerðina um at fyribyrgja dálking frá oljutangum.

Í kunngerðini, sum er frá 2018, stendur millum annað, at kommunurnar í seinasta lagi 1. januar 2022 skulu hava skrásett allar oljutangar, sum rúma upp til 6.000 litrar, og øll íbundin rør. Og tað eru upplýsingar um framleiðara, framleiðsluár og mangt annað, sum skulu fáast til vega.

"Nógv fólk, man tosar við, siga, at tey geva upp, tí tey finna ikki upplýsingarnar nakrastaðni. Á sjálvum tanganum stendur einki", sigur Karl Johansen.

Sambært kunngerðini um oljutangar frá 2018 skuldu tangar við ókendum framleiðsluári ella sum ikki eru góðkendir ella hava ókenda konstruktión ella ókent tilfar, takast úr nýtslu áðrenn 1. januar í ár, um húsini eru bygd í tíðarskeiðnum frá 1961 til 1980.

Og 1. januar 2026 verður tað sama galdandi fyri hús, sum eru bygd í tíðarskeiðnum frá 1981 til 2000.

 

Hoyrið innslag her:

Oljutangar_innslag

 

Er kopiera
Nýggjastu sendingar í ÚV
Leygardag 22. mars
Morgunlestur leygardagur 22.mars 2025
189610
Fríggjadag 21. mars
Vikuskiftið 21 mars 2025
189599
Fríggjadag 21. mars
Vikan 22. mars 2025
189566
Nýggjastu sendingar í SV
Leygardag 22. mars
Dagur og vika - teknmálstulkað
189606
Fríggjadag 21. mars
FMA 2025
189602
Fríggjadag 21. mars
Dagur og vika - teknmálstulkað
189551
Fríggjadag 21. mars
Veðrið
189591
Hósdag 20. mars
Heðin Brú 1:2
189508