Eingin tyrla var tøk í tveir dagar

At tað ikki altíð gongur eftir ætlan mátti tyrludeildin hjá Atlantic Airways ásannað týsdagin.

Flogfelagið hevur sent aðra tyrluna til viðlíkahald, og so hendi tað, sum bara ikki mátti henda. Meðan hin tyrlan fleyg venjingartúr fekk hon einga brekfráboðan umborð, og tí mátti hon seta seg í Vágum, so nærri kanningar kundu gerast og tyrlan kundi umvælast. Hetta hevði við sær, at eingin tyrla var til tilbúgvingina í tveir dagar.

Ironiskt nokk hendi brekið meðan stór tilbúgvingarráðstevna var í Kongshøll í gjár, hósdagin, og tað hevði so við sær, at eingin tyrla var tók hjá Atlantsflogi.

Hetta seinasta kemur eitt sindur óvart á, tí í føroysku tilbúgvingini stendur, at ein tyrla hjá Atlantic Airways skal altíð vera tøk til tilbúgvingina. Fyri at bøta um støðuna varð Brimil lagdur á Tvøroyri, um tað tørvur skuldi verið á bráðfeingisflutningi. Bjarni Kárason Petersen er landsstýrismaðurin við tilbúgvingarmálum, og hann heldur tað vera óheppið, at eingin tyrla var tøk í tveir dagar.

Jóhanna á Bergi er stjóri í Atlantic Airways og sambært henni er tað bara hent tvær ella tríggjar ferðir, at eingin tyrla hevur verið tøk.

- Men tá hevur tað bert verið í nakrar fáar tímar ella upp í eitt samdøgur, sigur Jóhanna á Bergi, stjóri í Atlantsflog. 

Nú er tilbúgvingin tó aftur uppi og koyrir, tí onnur tyrlan er komin aftur í tænastu í morgun, sigur Jóhanna á Bergi, stjóri.

Hoyr innslagið, sum var í tíðindunum á nátturða fríggjakvøldið.