Fegnast um amerikanskan áhuga

Landsstýriskvinnan fyri ráevni, Naaja Nathanielsen, sigur við grønlendska kringvarpið, KNR, at tey hava havt nógv um at vera, nú stórur áhugi er fyri Grønlandi, og tað fegnast hon um.

Hon vónar samstundis eisini, at fleiri dollarar fylgja við til námsvinnuna. Og tað eru dollarar, sum vinnan hevur stóran tørv á.

Í nýggju amerikonsku umsitingini sita ríkir menn við djúpum lummum – ein teirra er Elon Musk, sum eigur fyritøkurnar Tesla og SpaceEx og sosiala miðilin X, og sum skal vera ráðgevi hjá Donaldi Trump forseta.

Men higartil hevur verið torført at fáa ein dollarar til at streyma inn til at fíggja kanningararbeiði í sambandi við ráevni í grønlendsku undirgrundini.

Fleiri kanningar og uppmátingar eru gjørdar í økjum, sum kunnu brúkast til námsvinnu, men tað hevur ikki eydnast at skapa eina vinnu, har týðandi ráevnunum kunnu fáast upp úr grønlendsku undirgrundini.

Hoyr samrøðu við Naaju Nathanielsen her: