Viðgera svarið frá landsstýrismanninum

Landsstýrismálanevndin fer seinnapartin í morgin at viðgera svarið hjá Dennisi Holm, landsstýrismanni, um fyribils niðurstøðuna hjá nevndini um kæruna frá Árna Skaale, løgtingsmanni.

5. mai í fjør kærdi Árni Skaale Dennis Holm, tí hann útlutaði 32.500 tons av svartkjafti við kunngerð.

Landsstýrismálanevndin fekk fyri jól í fjør advokatin Kristinu Samuelsen at gera eitt upprit og uppskot um niðurstøðu í málinum. 

Síðani gjørdi nevndin eina fyribilsniðurstøðu, sum var send Dennisi Holm 22. januar.

Hann hevur nú svarað.