Klaksvíkar kommuna endar samstarvið við kommunustjóran

Klaksvíkar kommuna og Rúni Rasmussen, kommunustjóri, eru samd um at enda samstarvið. 

Tað skrivar kommunan á heimasíðu síni.

Rúni Rasmussen gevst formliga í starvinum 1. mars, men verður tøkur at ráðgeva býráðnum og umsitingini í nakrar mánaðir.

KarlJohansen, borgarstjóri, vil ikki gera samrøðu um, hví kommunstjórin fer úr starvi. 

John Færø, trivnaðarstjóri verður virkandi kommunustjóri, til nýggjur kommunustjóri verður settur.

Rúni Rasmussen tók við starvinum sum kommunustjóri 1. august 2021.

Starvið var áramálasett í fimm ár.