Jóhanna vann Melodi Grand Prix

Sissal Jóhanna Norðberg Niclasen, ið vanliga gongur undir navninum Jóhanna, men kallar seg Sissal, tá hon syngur, skal umboða Danmark í Euruvision í Sveis í mai við sanginum "Hallucination". 

Jóhanna var stórfavorittur til at vinna donsku Eurovision-undankappingina, Melodi Grand Prix, men tað gjørdist tættari enn vænta, tí hon fekk harða kappinga frá Tim Schou við sanginum "Proud".

Jóhanna Sissal Norðberg Niclasen

Mynd: Ritzau / Scanpix

Tónleikafakliga dómsnevndin hevði valt "Hallucination" hjá Sissal sum besta sang. 

Men tá atkvøður hjá hyggjarunum blivu taldar við, so var bara eitt stig á muni millum Jóhonnu og Tim. 

Triði sangurin í finaluni var "The Unluckiest Boy Alive" hjá Adel The Second. 

Jóhanna Sissal Norðberg Niclasen

Mynd: Ritzau / Scanpix

Harvið gjørdist Sissal Jóhanna Norðberg Niclasen annar føroyingurin, ið megnar at syngja seg til sjálvt Eurovision. 

Tann fyrsti var Rani Petersen, ið syngur undir navninum Reiley, sum vann Melodi Grand Prix í 2023.