Tú mást hava gott tol og góða tíð

Hvønn mánadag savnast eini 20 kvinnur í Hondarbeiðsskúlanum í Klaksvík til undirvísing, hvussu man broderar vestar, fyrri- og turriklæði til tey føroysku klæðini. 

- Vit læra at brodera frá grundini av og hava litlæru. Hvussu man vendir stingunum og hvussu man setur teir røttu litirnar saman, sigur Paulina Eliasen, lærari.

Tað er Paulina M. K. Eliasen, sum er hondarbeiðslærari og sum hevur givið fleiri bøkur út um brodering, sum stendur fyri undirvísingini.

- Eg plagi at spyrja næmingarnar, um tey vilja brodera upp á skjótasta máta, ella penasta máta? Øll siga penasta máta, men tað tekur tol og tíð, sigur Paulina Eliasen.

Lurta eftir innslagið, sum var í Góðan Morgun Føroyum.