Hamas: 200 fólk deyð av ísraelskum álopi í Gasa

Ísraelsk flogfør hava í nátt bumbað mál hjá Hamas í Gasa.

Tað váttar Ísrael sambært Reuters tíðindastovuni.

Ógreitt er, hvussu nógv fólk eru deyð í álopinum. Talsmaðurin fyri heilsumyndugleikarnar í Gasa, Khalil Al-Deqran, sigur, at í minsta lagi 200 fólk eru dripin, sambært Reuters.

Fyrsti partur av vápnahvíldini millum Hamas og Ísrael gekk út fyrst í mars, og semja er enn ikki gjørd um annan part av vápnahvíldini.

Ógvisligasta álop síðani vápnahvíldina

Álopið er tað ógvisligasta síðani fyrsti partur av vápnahvíldini byrjaði.

Sambært skrivstovuni hjá ísraelska forsætisráðharranum, Benjamin Netanyahu, bumbar ísrael mál í Gasa, tí Hamas noktar at lata fangar leysar.

BBC skrivar, at tað vóru Benjamin Netanyahu og ísraelski verjumálaráðharrin, Israel Katz, sum góvu boð um álopið.

Fox News skrivar, at USA bleiv kunnað, áðrenn lopið var á.