Stórur áhugi fyri at læra til elektrikara

Tað er spennandi at gerast elektrikari.

Í øllum førum sambært tølunum um umsóknir til miðnám. 

176 søktu inn á yrkisrættaðu útbúgvingarnar, nakað tað sama sum í fjør. 

Serliga elbreytin er væl umtókt. Hon fekk 66 umsóknir.

Náttúrubreytin best umtókt

613 umsóknir eru til gymnasialu breytirnar, 46 færri enn í fjør.

Náttúrubreytin er best umtókt. Hon fekk 207 umsóknir. 

Á øðrum plássi kom búskaparbreytin. Har eru 171 umsøkjarar.

88 søktu inn á hugbreyt, 17 fleiri enn í fjør. Men í 2022 var talið 154.