Atli Gregersen: Vit trúgva fult og fast upp á tað

Í kvøld skal føroyska manslandsliðið í fótbólti spæla móti Kekkia á útivølli. Søguligu tølini geva ein dapra mynd, tí Kekkia hevur samanlagt vunnið 23-0 teir níggu dystirnar Føroyar hava spælt móti teimum.

Men dysturin í kvøld er serligur, tí hetta er fyrsti dystur, har Eyðun Klakkstein og Atli Gregersen standa við endan, eftir at teir vóru settir í starv. Teir hava staðið á odda einaferð áður, men tað var bara ein fyribils loysn tá.

Tróndur Arge tosaði við hjálparvenjaran, Atla Gregersen, í gjárkvøldið. Hann ásannar, at Kekkia er eitt sterkt lið, men hann trýr fult og fast upp á, at vit kunnu kappast ímót teimum. 

Dysturin verður í kvøld kl. 19.45 og Kringvarpið byrjar at senda klokkan 19.00.