Formaðurin: Miðlafólk eiga at sleppa at skipa seg sum eitt yrki

Eins og í londunum rundanum okkum, mugu føroysk miðlafólk sleppa at skipa seg sum eitt yrki.

Tað er ein sjálvsagdur rættur hjá okkum og grundleggjandi, fyri at kunna hjúkla um hetta yrkið, sum er so skroypiligt frammanundan

Tað sigur Jón Brian Hvidtfeldt, formaður í Felagnum Føroysk Miðlafólk.

Felagið fær ikki samráðingarrættin um sáttmála til limir sínar, og fer tí at stevna landsstýrinum við kravi um, at landsstýrið verður dømt at viðurkenna henda rætt.

Við stevningini, sum nú verður latin Føroya rætti, krevur felagið, at landsstýrið verður dømt at viðurkenna rættin hjá miðlafólki í Føroyum at skipa seg við egnum sáttmála í almenna public service-stovninum Kringvarpi Føroya:

Galdandi sáttmáli fer úr gildi í heyst, og felagið vónar, at Føroya Rættur tekur støðu skjótt:

 
Aksel V. Johannesen, løgmaður, hevur onga viðmerking til málið.