Koblingarstøðin á Sandi reist

Fyri lítlari viku síðani var reisigildi á koblingartøðini hjá SEV heima á Sandi.

Bygningurin stendur í grótbrotinum í bygdini. Hann er 962,5 fermetrar til støddar og í tveimum hæddum.

Koblingarstøðin skal hýsa 60 og 20 kilowatt avbrótarum, transformatorum og øðrum.

Framtíðartryggja netið

SEV sigur, at endamálið við koblingarstøðini er fyrst og fremst at styrkja og framtíðartryggja netið í Sandoynni, har fleiri útbyggingar eru fyri framman.

Eitt nú smoltstøð í Skálavík og vindmyllulundin í Klivaløkshaga.

Eisini er koblingarstøðin ein liður í at styrka netið í Suðuroy, har eftirspurningurin eftir elorku fer at økjast.

Um Suðuroyartunnilin ikki kemur í bræði, ætlar SEV at leggja ein sjókaðal til Suðuroyar fyri at knýta elnetið í Suðuroy í netið í meginøkinum.

Battaríhøll

Aftrat koblingarstøðini skal ein 586 fermetra stór battaríhøll eisini byggjast.

Hon skal hýsa eini battarískipan, sum ger tað lættari at gagnnýta orkuna frá vindmyllulundini í Klivaløkshaga. 

Báðir bygningarnir væntast at standa lidnir um ársskiftið, og skipanirnar verða settar í rakstur á heysti 2026.