Fimm bókhandlar vóru í Føroyum í 1920-árunum

Hvat lesa føroyingar í 1920-árunum? Hvørji eru tey føroysku bløðini, ið koma út hetta tíggjuáraskeiðið? Hvussu er statt, tá talan er um bókasøvn og bókhandlar?

Hvørja støðu hevur føroyska málið og hvussu veit við, tá talan er um málstríðið? Og hvat hendur annars á føroyska bókmentapallinum í 1920-árunum, tað veri seg á tí vertsliga og tí andaliga?

Hesir er nakrir av spurningunum, ið verða viðgjørdir í Teimum brølandi tjúgunum hesuferð.

Nomið verður við høvundar sum Hans Andrias Djurhuus, Janus Djurhuus, Poul F. Joensen, Christian Matras og William Heinesen.

Umleið 60 føroyskar bøkur komu út í 1920-árunum.

Málstríðið merktist, tá talan var um andaligu bókmentirnar

Tá talan er um andaligar bókmentir, hendi nógv í 1920- og 1930-árunum. Bæði Jákup Dahl, próstur, og Victor Danielsen, trúboðari í Brøðrasamkomuni, umsettu Bíbliuna, eins og teir eitt nú eisini skrivaðu og umsettu sálmar og sangir.

Nomið verður eisini við tann týdning, ið fyrsta sangbókin – Sálmar, hjá Brøðrasamkomuni, ið kom út í 1920, fekk.

Saman við Maluni Marnersdóttir, ið er professari í bókmentum og ein av høvundunum til bókaverkið Føroysk bókmentasøga, viðgera vit 1920-árini úr bókmentaliga sjónarhorninum, eins og vit eisini hoyra brot úr føroyskum skaldskapi um hetta mundi.

Sendingin kann hoyrast her: