Krafta selur olju um góðan mánað

Hálvan juni byrjar nýggja oljufelagið Krafta at selja olju til skip.

Tangarnir hjá felagnum komu fyri tveimum mánaðum síðani.  

Teir eru tveir og standa á Hulki á Strondum.

Tangarnir eru 17 metrar høgir og taka 2.500 rúmmetrar av olju hvør.

Tveir stórir tangabilar eru á veg.

Bilarnir skulu flyta oljuna til havnirnar, har skipini bunkra. 

Millum annað reiðaríni Smyril Line, JFK, Framherji og FARCOD stovnaðu Krafta Energy fyrst í juli 2023.

Felagið søkir nú eftir tveimum ella trimum fólkum í parttíðarstørv. 

Størvini verða ætlandi sett seinast í mai.