Longustovnurin undir Føroyum er longu undir vandamarkinum

Longustovnurin hevur verið støðugt minkandi, og nú verður mett, at hann er undir vandamarkið.

Tað vísir stovnsmeting hjá Havstovuni frá í fjør.

"Hóast stovnsmetingin frá í ár ikki er kunngjørd enn, so verður neyvan nøkur stórvegis broyting í tølunum," sigur Petur Steingrund, fiskifrøðingur á Havstovuni.

Stovnsmetingar síðani 2020

Á heimasíðuni hjá Havstovuni stendur, at Havstovan ger stovnsmetingar av longu undir Føroyum hvørt ár.

"Fyrstu ferð, longa varð stovnsmett við fullari stovnsmeting, var í 2020. Tá var stovnurin tað mesta, hann hevur verið. Síðani hevur tað gingið skeiva vegin, og longu í 2023 var stovnurin minkaður niður í eitt tað minsta, vit vita um." 

Petur Steingrund, fiskifrøðingur, ger vart við, at tað er serliga lága tilgongdin av longu, sum liggur til grundar fyri, at stovnurin minkar.

"Men veiðitrýstið er eisini høgt," leggur hann afturat. 

Petur Steingrund

Frítekst tagging: 

Petur Steingrund

Havstovan

Petur Steingrund, fiskifrøðingur á Havstovuni (Mynd: Bárður Lydersen)

Sama veiðitrýst

Altjóða havrannsóknarstovnurin, ICES, viðmældi í fjør, at mann skuldi gevast við at fiska longu undir Føroyum í 2025.

Sambært hagtølum hjá Vørn, so er fiskiskapurin eftir longu fyrstu fýra mánaðirnar í ár umleið tann sami sum í fjør, hóast ICES-viðmælið. 

Higartil í ár eru 708 tons fiskað, samanborið við 675 tons um sama mundið í fjør.