Íslendskir kúllar nevna Føroyar í sínum sangi

Hóast Sissal Jóhanna Norðberg Niclasen úr Havn ikki fer á pallin við "Hallucination" fyrr enn í seinnu Eurovision-hálvfinaluni hóskvøldið í Basel, sum eru Føroyar hóast tað eisini partur av fyrru hálvfinaluni í kvøld. 

Tá íslendsku Matthíasson-beiggjarnir, Hálfdán Helgi (21) og Matthías Davíð (20), í kvøld skulu royna at syngja Ísland í sjálva finaluna við sanginum "Róa", ið merkir "Rógva", so nevna teir Føroyar við í sanginum. "Við árum úr stáli, sum halda í eitt ár, við kós móti Føroyum, ja, eg eri klárur," syngja íslendsku kúllarnir í sanginum, sum best kann lýsast sum ein nútímans útgáva av einari sjómansvísu. 

VÆB, Ísland, Eurovision

Sirkuskið komið til býin

Eurovision-feburin er av álvara í hæddini í sveisiska býnum Basel, sum er vertur fyri Eurovision í ár. 

Sunnudagin var almenna skrúðgongan við luttakarunum í miðbýnum í Basel. 

Tað er ikki heilt av leið at siga, at Eurovision er eitt sindur av einum sirkusi, ið kemur til býin. 

Eurovision 2025

Mynd: Ritzau/Scanpix

Jóhanna mitt í verðini

Sissal Jóhanna sær út til at vera mitt í verðini og at stórtrívast í Eurovision-sirkusinum.

Fyrstu myndirnar og sjónbandaupptøkurnar av pallsetingini hjá Sissal Jóhonnu eru komnar út og kunnu síggjast HER.  

Málið hjá Sissal Jóhonnu er at syngja Danmark aftur í Eurovisio-finaluna, sum eingin hevur megnað síðani 2019. 

Serfrøðingar halda, at Sissal Jóhanna er endað í tí sterkaru hálvfinaluni, sum verður hóskvøldið. 

Sissal Jóhanna Norðberg Niclasen

Sissal Jóhanna Norðberg Niclasen úr Havn til almennu skrúðgonguna sunnudag (Mynd: Ritzau/Scanpix)

Ísland er fyrsti sangur

Íslendsku kúllarnir í VÆB hava fingið heiðurin at byrja Eurovision-ballið í ár, tí teir eru fyrstir á pallin í Basel í kvøld. 

Tíverri verður ikki væntað, at sjarmerandi íslendingarnar fara at mega at syngja seg í finaluni. 

Sambært veddingarfyritøkunum, so enda teir nummar 12 av teimum 15 londunum, sum luttaka í kvøld. Bara 10 koma í finaluna. 

Stóri favoritturin til at vinna Eurovision í ár er sum so ofta fyrr svenski sangurin. Í ár er hann ein kvøða til finsku hitastovuna og eitur "Bara bada bastu" og er sungin av KAJ.