Fríggjakvøldið sendir KVF fyrsta part í íslendsku dramarøðini "Vigdís"

Fríggjakvøldið 16. mai klokkan 19 sendir Kringvarpið fyrsta part í íslendsku røðini "Vigdís".

Røðin er í fýra pørtum, og allir fýra verða tøkir á KVF Sjón fríggjadagin. Kringvarpið hevur keypt rættindini til røðina í eitt ár.

vigdís finnbogadóttir

"Vigdís" er íslendsk dramarøð frá 2024. Røðin sigur frá sonnu søguni um Vigdís Finnbogadóttir, fyrsta kvinnuliga forseta í heiminum. Hon vaks upp sum ein vanlig genta, sum bara vil hava somu møguleikarnar sum yngri beiggi sín.  

Hvør av teimum fýra pørtunum viðger eitt ávíst tíðarskeið í lívi Vigdísar frá 1949 til 1980. Vit fáa innlit í privatlív hennara, eitt nú tá ið hon verður skild og gerst støk mamma, men eisini í arbeiðslívið og sjálvandi søguliga valstríðið í 1980 – eini tíð, tá ið javnrættindi enn vóru langt úr eygsjón.

Hvat: Vigdís
Nær: Næstu fýra fríggjakvøldini í sjónvarpinum og á KVF Sjón frá 16. mai