Landsstýrið ger reglur um stutttíðarleigu

Okkurt skal gerast, so fólk, sum leiga bústað, ikki noyðast at flyta út, tá summarið nærkast, tí bústaðurin skal leigast ferðafólki.

Tað segði Sirið Stenberg, landsstýriskvinna, á ferðavinnudegnum í gjár.

Hon segði, at landsstýrið er farið at gera reglur um stutttíðarleigu.

Sirið Stenberg segði, at vanlig fólk kunnu ikki longur finna sær bústað fyri rímiligan prís, hvørki at leiga ella at keypa, tí tað loysir seg nógv betur at leiga ferðafólki. 

Hon vísti á, at løgtingið hevur júst samtykt eykajáttan til at hýsa flóttafólkum, sum mugu flyta úr sínum íbúðum, tí tær skulu brúkast til ferðavinnu. 

Hetta er ikki burðardygt. Hetta mugu vit gera nakað við, segði Sirið Stenberg, landsstýriskvinna.