Bakkafrost umbyggir næstu fýra vikurnar

Tað verður stilt á Bakka næstu fýra vikurnar. Í øllum førum, tá tað snýr seg um at kryvja laks, tí leiðslan hevur gjørt av at gera nakrar dagføringar, sum hava við sær, at virkið má leggjast.

- Hetta er partur av dagføringum, sum skulu gerast á virkinum, og tá vit í hesum føri skulu flyta maskinur, so mugu vit leggja stilt, sigur Regin Jacobsen, stjóri á Bakkafrosti.

Meðan virkið á Bakka liggur stilt vera umleið 50 fólk flutt til Suðuroyar at arbeiða, og tað verður gjørt fyri at virkið í Vági kann koyra við tveimum vaktum hetta tíðarskeiðið. Bakkafrost hevur leigað bústaðir í Suðuroy næstu fýra vikurnar, leggur stjórin afturat.

Umbyggingin, sum er partur av einari størri umbygging, kostar umleið 30 milliónir krónur, sigur Regin Jacobsen. Tann seinna umbyggingin hevur ikki við sær, at virkið má leggjast til, so tí fær hon ikki somu ávirkan sum henda, sigur stjórin á Bakkafrosti.

Trýst á leinki niðanfyri og hoyr samrøðuna, sum var í sendingini klokkan 18.00: