SEV arbeiðir við málinum um lønaravrokning

Eftir at Maskinmeistarafelagið í gjár boðaði frá, at felagið fer í rættin við einum kravi móti SEV, um ikki ítøkilig stig verða tikin beinanvegin, váttar SEV nú, at felagið arbeiðir við málinum.

Maskinmeistarafelagið metir, at maskinmeistarar hava tilsamans stívliga tríggjar milliónir krónur til góðar, grundað á innlit í tímaskrásetingar og lønarseðlar fimm ár aftur í tíðina. Felagið heldur seg hava prógv fyri, at yvirtíð og vaktargjøld ikki eru avroknað í samsvari við galdandi sáttmála.

SEV upplýsir, at málið er til viðgerðar. 

Tað eru í minsta lagið tveir partar sum skulu semjast um viðurskiftini, so tað má viðgerast eftir teimum mannagongdunum, sum tá vera brúktar, sigur stjórin í SEV. 

Hoyr samrøðuna við Hákun Djurhuus, stjóra í SEV: